كعابر الشكلاطة

كعابر شكلاطة 😍فمة اللي بالكرامال والبوفريوة وفمة نوع بالكرامال والبسكوي 😋جربوها البنات ساهلين تعملهم وتحطهم في الفريجدار حتي كيف يجي بحذاك حد علي غفلة تلقاهم 😊الروسات ساهلة تذوب الشكلاطة مع شوية زبدة وعينك ميزانك ما تكونش الشكلاطة لا جارية ولا يابسة يعنى متوسطة وتاخذ فوشة وتدهن بيها فورمة السيليكون وتحطها في الفريجدار ومن بعد تخرجها وتعاود تدهن مرة اخرى وتحاول خاصة البقايع الفارغة باش كيف تخرجها تكون ما فيهاش نقبة وتدخلها للفريجيدار تبرد وتشيح ومن بعد تخرجها وتحط الكرامال وانا غليت حكة نستلي حتي ولات كارامال وتحط كعبة بوفريوة وتغطيها بالشكلاطة من فوق او تحط الكارامال في صفحة وتخلطها بالبشكوتو وتحط في كل فورمة شوية وتغطيها بالشكلاطة وتحطها في الفريجيدار حتي تشيح ومن بعد تخرجها بالشوية بالشوية من الفورمة باش ما تتكسرش وإذا كان تحب تذوب شكلاطة بيضاء مع شوية زبدة وتعمل خطوط خطوط فوق الشكلاطة وتآكل بالشفا