ملوخية بالعلوش
تغلي الماء في طنجرة
وفي طنجرة ثانية صب بزايد زيت زيتونة وحل فيه الملوخية وبعد حطها على نار هادية ودوبما تشكشك صب عليها الماء إلى يغلي وخليها على نار هادية تشكشك لين تخرج فقعات زيت ومن حين لآخر حرك ( 2 ساعات على الاقل )
تأخو اللحم وتفوحو بكعبة طماطم خضراء ومغرفة صغيرة طماطم معجونة وبالتابل والكروية ورأس ثوم مهرس وفلفل مرحي وفلفل أكحل ووريقات رند ورأس بصل وملح وقرينات فلفل احمر شايح وتخليه يبنان في الثلاجة لين قريب تطيب الملوخية ويتنحى التلعبين متاعها
تحط اللحم المفوح في الملوخية ومن الاحسن تخليها تشكشك على الكانون أونار هادية حتى تطيب وتقر زيتها ومن حين لآخر حرك
الملوخية تحبلها على الاقل 5 ساعات على النار الهادية أو كانون حامي
aslama
RépondreSupprimerya3tikom sa77a site yaser ma7leh :)
eni la7edhet mockla sgira fi site hiya les recettes mouch détaillés benesba el wahed i7eb yet3alem itayeb mafemech les quantités wala nombre de personne
taw recette hadhi daher résultat bnin ama manajamech ntayabha 5ater mana3rach 9adech n7ot men gramme mlou5iya wala 9adech zit ??
nchalah tzidou les quantité et pour combien de personnes hekaka najmou njarbou les recette lebnen mta3kom
merci
بالنسبة للكمية عندك حق أما نفرسرلك علاش ديما نخلي مجال للاجتهاد ، على خاطر كل عائلة وخصوصيتها فما إلي ياكلو الحار وفما لا ، فما إلي يحبها جارية وفما غلى ما ياكلها كان يابسة ...... وبرشا اشياء اخرى أنا نحط المكونات الرئيسية والطريقة والكمية ديما نخليها للطباخة كان في القاتوات نحط كل التفاصيل وشكرا على المداخلة في مكانها :)
RépondreSupprimer