مرقة دندون بالجلبانة

اوّل حاجة تغسل لحم الدندون بالباهي بالماء الساخن وتنحيلو الجلدة بكلها ، وبعد حط اللحم في صحفة وتصب عليها كأس خل وتعصر كعبة قارص وتحطو 2 ساعات في الثلاجة باش تتنحى منو الرائحة متاعو ، وبعد في الطنجرة صب كأس زيت زيتونة واللحمات بعدما تغسلهم من الخل والقارص و4 رؤوس بصل وصحفة كبيرة جلبانة وكعبة طماطم خضراء وقليهم بالباهي وبعد زيدهم مغرفة ماكلة طماطم معجونة وسنة ثوم قطعها جويدة وامرق وزيد ملح وفلفل اكحل وزنجبيل مرابي فرشك وبسباس مرحي وعلى طرف المغرفة فلفل مرحي وخليها تغلي على نار هادية حتى تطيب الجلبانة واللحم ارمي قرن فلفل بقلوطي و 2 قرون فلفل بر العبيد وزيد رش شوية بسباس فرشكة وطفي عليها تكون قرّت زيتها والمرق ولي مزيان ، زين الصحنات بقرّين فلفل بقلوطي مقلي ورشيشة معدنوس