سابليه بنكهة المشمش

500غ فارينة
2 عضمات
200غ زبدة طرية
175غ سكر محور
1خميرة
1فانيليا
تركض الزبدة والسكر والفاني بالباااااهي بعد تزيد عضمة وتركض وتزيد عضمة الثانية وتركض لين تولي كيف الكريمة وقتها تزيد الفارينة والخميرة مغربلين وتلم لعجينة وتلفها في ساشي وتحطها في الثلاجة ساعة ترتاح
تاخذ شوية من لعجينة وتحلها على papier cellophane من فوق ومن اللوطى تكون مغطية وتحلها بالقلقال وبعد تشكل كعبات .بالنسبة للفاضل متاع لعجينة متعاودش تعمل بيه طول رجعها ترتاح في الثلاجة
نطيبو سابلي في الفور على 150 درجة مدة 15 دق والزينة اي نوع متاع معجون اختياري والشكلاطة

ابتسام