خبزة البرتقال

الجينواز :
تركض 5 بيضات و كاس ونصف سكر و1 فانيليا حتى الخليط يولي كريمي وابيض
وزيد كاس عصير برتقال ونصف كاس زيت نباتي و 3 كيسان فرينة مغربلة مع 2 خميرة كيميائية
وطيبها في الفرن على 180°
الكريمة :
تاخو نصف لتر حليب وتحط فيه 2 اصفر البيض و2 مغارف نشاء و2 مغارف سكر وكيس فانيليا وتخلطهم بالباهي وبعد طيبهم حتى تعقد الكريمة زيدها مفرفة زهر
وكيف تطيب الخبزة خرجها وبلها بشوية سيرو ( خليط ماء مع سكر وغليهم ) وبعد اقسمها على جزئين وحط في الوسط كرام شنتي وشوية فاكية مقلية وبعد حط الطبقة الثانية وبلها زادة بالسيرو وحط طبقة الكريمة وخليها تبرد ودخلها للثلاجة
قاناش البرتقال :
تعصر نصف لتر برتقال وتزيدو 2 مغارف سكر و2 مغارف نشاء وطيبهم على نار هادية
وبعد حط الكل فوق طبقة الكريمة وخليها تبرد
رتب الغلة الي عندك وزين بالكرام شنتي الي بقات واخيرا ادهنها بالناباج
وخليها تبرد