مقروض عربي

مقرو ض العادة و من غير قالب بنة كبيرة و سهل التحضير
كيلو سميد 5 يسي اي متوسط و رطل فرينة و حط رشة ملح و مغرفة قهوة كركم و خلط و بعد بسسهم بحكار حكة حليب زبدة ذايبة و زيت مخلطين 100 غ زبدة و الباقي زيت تسخنهم و تبسس الدقيق حتى تحسو يتلم شوية كيف الرمل المبلول و خليهم يرتاحو من الأحسن من الليل و في الصباح دفي شوية ماء و لم العجينة مع شوية ماء زهر- كان موجود -ولمها حتى تتحصل على عجينة طرية اقسمها كورات و حطها ترتاح في ساشيات في الاثناء خوذ رطل تمر مرحي (انا شريتو حاضر ) و حطو على النار في كسرونة و مع مغرفتين زيت و سخنو على نار ضعيفة حتى يطرى و فوحو بشوية قرقة و شوش ورد و شوية قشور برتقال مرحي و شوية جلجلان و خوذ العجينة بالكورة بالكورة و اعجنها او ململها يبن يديك حتى تطرى و اعمل فتحة في الوسط و حط التمر على شكل عصا و حاول بالصوابع اليدين الزوز تحافظ على شكل العصا و تحاول تحل الشكل الي تحصلت عليه حتى تصبح عرضها زوز صوابع و خشنها 1 صم و قتها اضغطي بالقالب او او باي الة بها نقب باش تزين و قص حسب رغبتك و اقلي في زيت كثيف و على نار متوسطة باش يطيب و و سقطرو في كسكاس ثم شحرو في القطر او الشحور ( 250 غ سكر عليهم كاس ماء تحطو يغلي على نار ضعيفة مع عصرة قارص حتى يخثار ) و تشحر به و هو سخون و تغمس الكعبات بعد ما يقطرو في الجلجلان .

كلثوم