مرقة بنادق بالزيتون

تاخو الزيتون تغسلو بالباهي وتحطو يغلي وبعد زللو من الماء هذاكا

حضر الصوص المتكونة من ماء وطماطم معجونة ماتكثرش باش تيدا الصوص خفيفة وفلفل اكحل وكركم وفلفل مرحي وزيت زيتونة وشوية تابل ورأس بصل مفروم وكيف يغلي المرق ارمي فيه الزيتون وبعد حضر البنادق

تاخو اللحم المفروم وتفوحو بالنعناع الشايح والتابل والكروية والملح والفلفل الاكحل والكركم وشوية فلفل مرحي و سنة ثوم وتعجنو بالباهي وبعد تكعبرو كعبورات صغار وترميهم في المرق الي يغلي وكيف تقر زيتها أرمي قريّن فلفل أخضر وقريّن فلفل بر العبيد

بالنسبة للملح ردوا بالكم على خاطر الزيتون مالح