مرقة قناوية بالدندون العربي
كان المرقة تتزلبط راهى ماطابتش على اصولها وماعرفتوش تطيبوها
نطيب مرقة بالدندون عادية :
نقلي بصل ولحم الدندون العربي في الزيت ونزيدهم طمطومة خضراء ومغرفة طماطم معجونة ونفوح بالملح والفلفل الاكحل وكركم وشوية فلفل مرحي وبسباس مرحي ونمرقها ونخليها تطيب لين تقر زيتها
بالنسبة للقناوية :
تنحيلها الشلاغم متاعها وبعد القطمورة وقصها من الاسفل وحط الكعاب في ماء وملح وخليهم ساعة تقريبا وبعد اغسلها بالباهي وسقطرها واقليها وارميها في المرقة الطايبة مع قريّن فلفل أخضر حاااار ومن غير ماتخركها خليها تغلي على نار هادئة 10 دق واطفي
تسيب البنة متاعها
واقلي فلفل كان تحب وشوية بطاطا للصغار وإلا لا على كيفك
المرقة تكون خفيفة موش مطمطمة
Commentaires
Enregistrer un commentaire