الحوت المشوي

تحب تتطعم الحوت وتقول نأكل في حوتة فرشكة وبنينة وبالطبع روساتي هذه تتطبق على الحوت الفرشك وإلى يبرق ، على خاطر كيف يقدام شوية الحوت تحطلو الكمون والثوم باش المطعم الخايب متاع الحوتة الموش فرشكة ما يبقاش : نرجعو لموضوعنا ، نفوحو الحوت بالملح والكركم والزيت والفلفل الاكحل اختياري على خاطر فما شكون ما يحبوش ونخليه يبنان في الثلاجة وبعد تشوية في الفور أو الكانون وتتريه بنصف كعبة قارص تغطسها في الزيت باش يبقى براق وما يشيحش وبنين ، نعرف صعيب لبرشا باش يقبلو الحوت من غير كمون او ثوم اما جربوا طريقتي وبعد أحكموا :) تولي بالروسات هذه تفرق بين طعم الوراطة والمجّل والسردينة والتريلاّ ......... موش الكل كمون وهريسة أو ثوم على خاطر التوابل هذه قوية برشا على سبلة الحوتة