دنديق محشي
تنظف الحوتة بالباهي وتنحيلها سلسولها من الوسط وتفوحها بالملح وثوم وتابل وكركم وفلفل اكحل وزيت وتخليها تبنان وتحضر الحشو :
تسوتي بصلة صغيرة ومعاها كعيبات شوفرات مقطعين وشوية معدنوس وتفوح بالملح والكركم وفلفل اكحل وتزيد للحشو بعدما يذبال فص عضمة وشوية خبز مرحي وبعد تحشي بيه الحوتة
تقلي بصلة في الزيت وتزيدو شوية ماء وملح وفلفل اكحل وكركم وتابل وسنة ثوم
ترصف في الطبق حلقات طماطم وفلفل وبطاطا وقارص وتصب الصوص الزعرة الي حضرتها وبعد حط الحوتة وقرينات فلفل وطيب الكل في الفرن على 200 °
تحضر شوية ارز ازعر بالكروفات :
تصمت الكروفات والماء تصفيه
تسوتي بصلة في الزيت وتزيدها كاس ارز و2 كيسان ماء الكروفات وشوية كركم وملح ووريقة رند وخليه يطيب وبعد طفي عليه وغطيه خلي النار ترجع عليه ويطيب واخيرا رش شوية معدنوس
وكيف تطيب الحوتة وتشيح وتتجمر قصها وزين الصحنات وزيدها رشة معدنوس وبصل للي يحبو
Commentaires
Enregistrer un commentaire