ملوخية باللحم البقري

تحط بزايد زيت في الطنجرة وتحل فيه الملوخية في البارد وبعد تحطها على الغاز ودوبما تشكشك صب عليها 1.5 لتر ماء يغلي وخليها تشكشك على نار هادية ساعتين ونصف على الاقلىوكيف تحسها بدات نعمل نقيطات زيت ارمي اللحم الي تكون مفوحتو بالبصل والملح والفلفل الاكحل ومغرفة قهوة صغيرة طماطم مجونة وطمطومة خضراء وفلفل مرحي وراس ثوم مهرس وتابل وكروية ورند وفلفل احمر شايح وتخلي تواصل تطيبها على نار هدية
في حالة حسيتها باش تيبس واللحم مازال شادد روحو زيدها ماء يغلي المهم تبقى 5 ساعات تشكشك على نار هادية او كانون باش تطيب على قاعدة وتقر زيتها