كايك لفطور الصباح

في صحفة كبيرة حط 5 بيضات بحرارة الغرفة ومعاهم كاس سكر سعته 250مل وهو الكاس إلي كيلت بيه كل المكونات الاخرى وكيس فانيليا وذرة ملح وركّضهم بالباهي حتى يولي الخليط كريمي وبعد زيد 1/2 كاس زيت نباتي وكاس عصير برتقال و 3.5 كيسان فرينة مغربلة ومعاها كيس خميرة قاتو وخلط الكل برفق ادهن المول ( أنا حضرت 2 دائرية ومول الكايك ) بالزيت والفرينة وبعد وبعد صب الخليط فيهم الاثنين ورش عليهم كعيبرات الشكلاطة وطيب في الفرن على 180 ° وكيف تطيب خرجهم من المول متاعم وادهنهم بالناباج وقصهم باردين واحفضهم في وعاء محكم الغلق باش تبقى طرية