verrine au gâteau

روسات القاتو : كاس سكر و 5 بيضات و1 فانيليا تركّضهم  بالباهي حتى يولي الخليط كريمي زيدو 5 فرينة مغربيلين وكاس حليب و3/4 الكاس زيت نباتي و1 خميرة وخلط الكل وحطهم في طبق ورش عليها الجلجلان وكعيبرات الشكلاطة وطيبها على 180° وبعد كيف تبرد استعملها لفطور الصباح أو للسهرية في كويسات الفيرين

تقطع القاتو مكعبات صغار وتفرش في الكوبات  كرام شنتي وبعد مكعبات القاتو وترش عليهم شوية ماء وزهر و شوية لوز مقلية وبعد تحط مكعبات مشمش وخوخ وترش عليهم عسل صافي وأخيرا كرام شنتي وزينتهم بكعيبات حب الملوك وممكن تزيد مكسرات الموجودة عندك