Oklat-Tounsia

حطيت طنجرة على الغاز وفيها شوية ماء وزدتها جلبانة وبطاطا ورأس بصل وسنة ثوم وشوية تابل وفلفل اكحل وملح وشوية كركم وخليتهم يغليو وبعد حطيت كعيبات الحوت بالشوية وغلاو تقريبا 10 دق وخرجتهم ، وكيف الصوص طابيت والجلبانة ولات طرية خذيت المول متاع الفور وقصيت كعبة طماطم وقرن فلفل جرار طوال وحطيت الصوص والبطاطا وأخيرا حطيت كعيبات الحوت بجانب بعضهم ودخلتو للفور ، إلي يكون يشعل من فوق ومن الاسفل حتى يتجمر بالباهي وبعد نحط في الصحنات ونعصر شوية قارص ورشيشة معدنوس وتأكلو بالشفاء

نظفو وبعد تصمتو في زيت وماء ورند وبرشا ملح وفلفل اكحل وكركم وتابل وبعد سقطرو سبلو من الشوك ونحيلو التن الاحمر يعني الغامق وعبيه في الدبابس وصب عليه زيت زيتونة وبعد غطيهم حطهم يغليو في طنجرة

هريسة عربي دياري : تصمت 2 كعبات طماطم ومعاهم راس بصل وراس ثوم وبعد تزيدهم فلفل احمر شايح وكيف يطيبو سقطرهم وارحيهم وفوح بالملح والكروية وزيت الزيتون وزين كيما تحب تصبير السردينة الدياري تنظف السردينة وتخليها تستقطر في كسكاس حتي تفقد الدم إلى فيها وبعد حطها في طنجرة فيها شوية ماء و2 مغارف كبار ملح وفلفل اكحل ووريقة رند وشوية كركم وغليها 15 دق تقريبا وبعد سقطرها خليها تبرد في صحفة بلورية وغمّها بزيت الزيتون وحطها في الثلاجة للاستعمال اليومي والكسكروتات سردينة مصبرة بيوووو

ناخو الفلفل الاخضر ونقطعو بعدما نغسلو ويشيح ونرش عليه الملح ونحطو يشيح في الشمس موش برشا ونبدل الطرف وﻻ المنشفة الي تحتو حتي يولي شايح نخليه في الظل باش ما يتبقلش و بعد كيف يشيح بالباهي حطو في دبوسة بلار يبقى عام كامل كيف تعمل الشكشوكة متاع الشتاء تلقى فلفل حار وتجيك بنينة برشا

  تقلي بصلة ومعاها 2 كعبات طماطم خضراء وبعد زيد نصف مغرفة كبيرة طماطم معجونة و2 كيسان كبارجلبانة مفركة ومغسولة وامرق بماء ماجل أو صافية باش تطيب بالباهي وزيدها 2 سنات ثوم مقطعين جويدات وملح وفلفل اكحل وكركم وكروية وقطع كعبة بطاطا صغيــــــــــرة وغطيها وبل الفلفل الشايح متاع الصيف أو فلفل أحمر حار وارميه في المرق وأخيرا كيف تلقاها طابت وولات خاثرة ارمي قرين فلفل ملاحي وفقر عضيمات وغطيها وبعد أطفي وخلي النار ترجع عليها ، المهم تكون خاثرة وطايبة بالباهي الجلبانة والبطاطا نذوب زادة

تركض 5 عضمات و كاس و نصف سكر وقطرات فانيليا و خلط 3 كيسان فرينة و باكو و نصف خميرة و حط السوائل الكل العضم المركوض و كاس و نصف حليب و كاس غير ربع زيت قطانيا و خلط مليح و ادهن 2 قوالب كايك بالزبدة او الزيت ةو صبب مقدار كاس من الخليط في صحفة على جنب و زيدو 100 غ شامية و خلطو بفرشيطة و تنجم تزيد لوز مرحي و بعد صب العجينة في القوالب للنصف و صب خليط الشامية في الوسط و كمل عبي القالب و رش جلجلان او لوز مهروش و طيبهم مدة 30 دق على 170 درجة كلثوم

قلي بصلة صغير واللحم المفروم في شوية زيت وتزيدهم مغرفة طماطم معجونة ورأس ثوم ووامرق وفوح بالتابل وشوية فلفل مرحي وفلفل اكحل وكركم وملح ووريقات رند وخلي الصوص تغلي لين تطيب ، وبعد صفي اللحم وحدو وكيف تصمت المقرونة خلطها بالصوص وحط اللحم من فوق أقلي قرينات فلفل وزين الصحنات وزيد رشة جبن برموزان أو شيدار