Oklat-Tounsia

تركّض : بيضتان ،1 فانيليا ، كأس سكر متوسط  بالباهي وبعد زيدو 3/4 كأس زبدة أو زيت نباتي ونصف كأس حليب تغربل الفرينة ونصف كبس خميرة قاتو مع بعض وتخلطهم وتزيدهم للخليط ، وتطيب في مقلة تيفال بعدما تدهنها بشوية زبدة على نار هادية وتغطيها زين الكعاب بعسل طبيعي  وكعيبات فراز  

500غ فارينة 100غ سكر 100غ زبدة 1 خميرة فورية عظمة ملح حليب دافئ للعجن. طريقة التحضير: نحطو الفارينة و السكر و الملح و الخميرة ثم الحليب و العظمة و نعجنهم ونزيد الزبدة مع العجن المستمر حتى نتحصل على عجينة لينة ما تتلصقش في اليدين. ندهن كفوف يديا بشوية زيت ونلم العجينة ونخليها تخمر ساعة. نشكل العجينة كويرات صغيرة. نحط الزيت يسخن على نار هادئة و نقلي من الجهتين. يبرد شوية ونغطس في السكر منية

روسات ساهلة وسريعة... في 10دقائق تحضر 2 كيسان سميد ارطب مقدار 275غ 1كاس فرينة 2خميرة فورية 2خميرة قاطو 1سكر فانيليا نفة ملح 1/2 لتر ماء دافئ تخلطهم الكل شوية من بعد تضربهم في mixeur لمدة 5دقائق ومن بعد تصب شوية في المقلى وهي باردة وتحطها على نار خفيفة واقعد تفرج عليها حتى تكمل الفقاقيع من غير ما تقلبها هبطها وحطها على منديلة وغطيها بمنديلة أخرى وكمل الكعبات الكل وتنجم تعملهم مالحين وإلا حلوين... نقصد بأي حشو تحبه وتاكلو بالهناء والشفاء... مافماش حاجة أحلى من فطور صباح تقليدي سنية

تقلي بصلة وكعبة طماطم خضرا ء ومغرفة كبيرة طماطم معجونة وشوية طماطم شريحة وبعد زيد مغرفة مليانة فلفل مرحي وكركم وملح وامرق وزيد البصل رؤوس والقرع والي عندو الصغار يحط كعيبة بطاطا اما بلاش خير حط الحوت في كسكاس الحوت وغطسو في المرق ورش عليه الفلفل الاكحل وبل الكسكسي عادي وحطو يفور ويعد وقيت تريه ورجعو يفور اقلي الفلفل والحوت وعمر الصحنات

تصمت البطاطا وتخليها لين تطيب في ماها ويولي شوية تقلي طماطم خضراء وثوم مقطع وقديد وبعد زيدها فلفل اخضر مقطع وفلفل اخضر مشيح وكروية ورد بالك من الملح على خاطر عندك قديد صب البطاطا بالماء متاعها الي شاح وبقى شوية وفقر العضم واقلي معاها قرينات فلفل

صمت اللحم في الماء مع الزيت : 1/ خذيت 3 لحمات هبرة وقطعتهم وسوتيتهم مع البصل وشوية معدنوس وزدتهم فلفل اكحل وكركم وعضم مصموت وبطاطا مقطعة في شكل مكعبات صغار ومقلية وجبن برموزان وعضمة نية 2/ خذيت البطاطا وقشرتها وقسمتها على نصفين وحفرتها من الداخل ( أنظر الصور ) وبعد قليتها على نار هادية ونشفتها 3/ صمت الطماطم الخضراء وبعد سقطرتها ورحيتها وفوحتها بالثوم والملح والزيت والاكليل والفلفل الأكحل والكركم وفلفل مرحي ومن غير ما تمرقها باش تبقي خاثرة 4/ نصب الصوص في البلاتو وبعد تحشي البطاطا إلى تكون تسقطرت وترصفها في الطبق وتحطها تكمل تطيب في الفور 5/ باقي الحشو زيدو العضم وكعيبة ملح وحطو في مول يولي طاجين 6/ باقي اللحم أرمي عليه أرز و بصل مقطع وخليه على نار هادئة لين ينزح ويطيب الارز ملاحظة : كمية الارز نصف كمية الماء المصاحبة للحم باش يجي قد قد

كفتة بطاطا بالجبن والتن تصمت البطاطا بالملح وبعد تسقطرها وترش عليها فلفل اكحل ونعناع شايح وترفسها وتزيدها شوية خبز مرحي وفص عضمة تقطع مكعبات جبن موتزارﻻ وتحضر التن تكعبر كعبورات صغار قد قد وبعد تفرطحها وتحط الجبن والتن في الوسط وتلفها وبعد تغطسها في العضم وبعد الخبز المرحي اقلي على نار هادئة

تركض 4 بيضات وكاس سكر وكيس فانيليا حتي يولي الخليط كريمي زيدو كاس الا ربع زيت كاس حليب تغربل كاس فرينة و2 كيسان درع وكيس خميرة وتخلطهم وزيدهم للخليط تنظف شوية دقلة وزبيب وتلفهم في الفرينة وترشهم على القاتو من فوق وزيدهم جلجلان مقلي او لوز او فزدق انت وشنوة عندك وطيب في الفرن على180°

 ترحي اللحم وتزيدو  ثوم وتابل وكروية ونعناع شايح وملح وكركم وفلفل اكحل وفلفل مرحي وبعد في طنجرة  فيها الماء يغلي نزيدها زيت وكروية وكركم وملح وشوية طماطم وتبل يدك يالماء وتكعبر وترمي في المرق  الي يغلي خليها لين تشيح ، وبعد تقلي بطاطا جويدة وتصمت العضم وشوية معدنوس وجبن وتخلطهم ، تحل عجينة مورقة جويدة وتطرحها في الطبق وبعد تصب عليها الخليط بعدما تزيدو العضم واخيرا طبقة ثانية من العجينة المورقة  وتدهنها بالزبدة واصفر العضم ورش عليها سينوج وطيبها في الفرن على 180 درجة