Oklat-Tounsia

مكونات العصبانة : لحم وكبدة  وقلب ومعدنوس وبصل ونعناع شايح وبرغل وهريسة عربي وفلفل مرحي وكركم وملح وتابل وكروية وفلفل اكحل وقطيرة زيت ، وتلف في السلق إلى تكون بليتو بالماء المغلى ، وأخيرا لف بالخيط باش ما يتحلوش الصوص : كل شيء في الماء زيت والعصبان ننقبو وطماطم معجونة وفلفل أكحل وكركم وملح تابل ورأس ثوم مهرس فلفل مرحي وشوية طماطم خضراء مقطعة رند وفلفل شايح ونخليها تغلي حتى يطيب العصبان نصمت المقرونة ونخلطها وتأكلوها سخونة تعمل الكيف

تقلي 4 كعبات طماطم الخضراء والثوم مقطع بالباهي وزيدهم الملح والكروية وبعد ارمي 2 قرون فلفل مقطعين على الطماطم وفقر عضيمات عربي

تاخو القلب واللحم  تقطعهم مكعبات ونحطهم في ماء وزيت ونخليهم يتصمتو تاخو الكبدة وتحط تغليها شوية وبعد تبزع الماء المكشكش متاعها ونحطها مع باقي المكونات وتخلي الكل يغلي كيف يطيب اللحم تحطلهم مغرفة ماكلة طماطم معجونة كركم وملح راس ثوم مهرس تابل وكروية فلفل مرحي وخليهم يغلي حتي تولي الصوص باهية رش شوية كمون واطفي عليها  

اغسل الفلفل والطماطم والثوم والراس بصل وتشويهم على الغاز والا الكانون وكان  واختارالفلفل الحار   تحطهم في طنجرة وتغطيهم حتى يبردو تقشرهم وتنحي الزريعة متاع الفلفل وترحيه والباقي صبو فوقها فوحها بالملح والكروية وزيت الزيتون  

تقلي 2 طمطومات بعد نحط عليهم الشوفرات تقليهم شوية وتزيدهم ثوم وملح وفلفل اكحل وكركم من غير ماتمرق كيف تشيح اطفي

خليط الشبتية : لحم وكبدة وقلب ومعدنوس و بصل بأوراقو  وشبت وفلفل أكحل وكركم وملح وتابل وكروية وبرغل جويد طمطومة خضراء فلفل مرحي قطيرات زيت فرينة وعضم وشوية خبز مرحي الصوص : بصل وطماطم معجونة جلبانة كركم ملح تابل وكروية فلفل أكحل وفلفل مرحي زيت وبطاطا تخلط الخيط وتلف الكعاب في الفرينة وتقلي وبعد ترميها في الصوص

تغسل الدجاج بالخل والقارص وبعد حطو في طنجرة ومعاه زيت و2 رؤوس بصل وحطو يغلي وفوح ب2 سناة ثوم وملح وفلفل اكحل وكركم وزنجبيل وشوية بسباس مرحي ومغرفة قهوة صغيرة ناقصة طماطم معجونة وخليه يغلي لين قريب ينزح وفي طبق الفرن حط حلقات طماطم وقارص وبطاطا وفلفل وصب عليه الصوص الي طيبتها ورصف الدجاج وحطها تطيب في الفرن وبعد زين الصحنات بالمعدنوس والبصل

بالنسبة للروسات تاخذ100غ لوزمرحي عليه 100غ سكر منيارديزوتنجم في عوض اللوز تحط البوفريوة او الفستق وبنفس الطريقة الا الجلجلان تاخذ 90غ جلجلان عليه 100غ سكر منيارديز تخلطهم وتحطهم في قالب سيليكون وتحاول تعبيه علي خاطر من بعد يهبط كيف السكر يذوب وفي نصف الطياب تاخذ مغرفة وتحاول تنزل عليه باش يكون فارغ في الوسط وتنجم تحشيه من بعد وحاول كل مرة تنزل بالمغرفة حتي تاخذ الفورمة متاعها وتولي فارغة في الوسط وتطيبها في 150 درجة مدة ربع ساعة والزينة كيفما تحب وتحط في وسط الكعبة اما نيوتلا او كرامال مخلط بالفاكية المهروشة او فمة نوع يتباع وهو خليط خاص بالمنيارديز والكرات الصغار اللي في الوسط تشريهم حاضرين من محلات اللي يبيعو لوازم المرطبات وكل الزينة موجودة في هذه المحلات وانت فنانة وتتفنن في الزينة مفيدة حمزة

الطريقه:بالعجينة العشر دقائق طيبيها في طاجين التشيز الكيك تاخذ نص العجينه وتحلّها لارقيقه لاغليضه وحطها في الطاجين بحذر بيش ماتتقسمش والحشو صلصة بيتزا وتن وزيتون وبيض مطبوخ وفلفل ألوان وطماطم وجبن مثلثات وجبن مرحي اي نوع وبعدها حل دائرة عجينه رقيقة وطيبها نص طياب وحطيها فوق الحشو بعدها حطي فوقها نفس الحشو لكن بدل جبن المثلثات جبن شرائح وحل عجينة أخرى رقيقة وغطيها بيها - أنظري الصور - وزيد صلصه وزيتون وفلفل ألوان وطماطم والتزيين ممكن كيف الصورة أو أعملي الضفيره وطيبيها منقول