Oklat-Tounsia

تنظف الدجاج بالقارص وبعد تغسلو بالباهي وتحطو في الماء والزيت وتفوحو بالملح والكركم والفلفل الاكحل والكروية وشوية زنجبيل واكليل وتخليه يغلي ليت ينزح ، تأخو طبق الفرن وقطع فيه حلقات بصل وفلفل وطماطم ورصف فيه الدجاج وصب عليه شوية الصوص الباقية في الطنجرة وحطو في الفور وشعل عليه الفور من فوق وهبطو في أوا طاق باش يتجمر وحدة وحدة وأخيرا رش عليه المعدنوس واعمل معاه سلايط

تاخذ الكسكسي تحط له شوية كركب وتبله بشوية ماء ومغرفة زيت وتحكحكه بيدك وتفوره وكيف يفور تهبطه وتحطه في ماعونة وتعاود تبله وترجعه يفور وتهبطه مرة اخري وتبله بشوية زهر ومغرفة زبدة وتخلطه وترجعه يفورواذا كان تحب في وسطه الدقلة او الظبيب تحطهم يفورو معاه باش يطري مفيدة حمزة

كغ زبدة خاصة بالتوريق 2 كغ فرينة مغربلين 2 فناجل زيت نباتي ماء بارد + ملح الطريقة : تعجن العجينة بالزيت والفرينة والماء والملح وكيف ترطاب تحلها وتحط في الوسط قالب الزبدة كامل تطويهاوتحلها تعاود تطويها المهم 4 مرات بالنسبة milles feuilles يلزم 6 طيات خليها ترتاح بين الطية والطية 15 دق في الثلاجة الاستعمال يكون بعد 5 ساعات على الاقل تكون ارتاحت بالباهي

القاتو : تركض 2 بيضات ونصف كاس سكر و1 فانيليا حتى يولي الخليط كريمي زيدهم نصف كيس خميرة ونصف كاس عصير قارص جاهز و10 مغارف مليانين فرينة مغربلة ونصف كاس زيت ذرة وتخلط الكل وتطيبها في الفرن على 180° وبعد كيف تطيب بلها بسيرو متكون من ماء وسكر وقطيرة زهر الطبقة الثانية : كريم باتيسيار نصف لتر حليب 3 مغارف كبار نشا 2 فصوص عضم 1 فانيليا مغرفة سكر وممكن تزيد كان تحبو الحلو تطيبهم على نار هادية وبعد زيدها مغرفو زهر ونصف مغرفة زبدة وخلط صب الكريمة على القاتو وحطها تبرد في الثلاجة الطبقة الثالثة : نصف لتر عصير قارص جاهز للشرب وتزيد 3 مغارف نشا ومغرفة سكر وتطيبها على نار هادية وبعد صبها برفق على طبقة الكريمة الى تكون باردة وحطها تبرد في الثلاجة واخيرا اعمل كرام شنتي وزين الكعاب كيما تحب  

العجينة : 400 غ فرينة ونصف بكو خميرة وعضمة و 200 غ زبدة وملح وتعجنها بالحليب وخليها ترتاح بالنسبة للحشو : قطع كعبة بطاطا صغيرة جويدة برشا وأقليها وخوذ 1/2 رأس بصل قليه في شوية زيت وحط عليه المعدنوس باش يذبل وأصمت 2 كعبات عضم وبعد حط الكل مع بعضو وزيدهم جبن فوندون و1/2 علبة كرام فراش وكمية باهية من التن ( نصف علبة تقريبا ) وبعد زيدهم 3 عضمات نيئين وكبار ، حل العجينة جويدة بالقلقال واطرحها في طبق التارت وانقبها بالفرشيطة وصب عليها الخليط وزينها بالجبن والفلفل بر العبيد والزيتون ...... أنت وذوقك وحطها تطيب في الفرن على 170

مقرونة باللحم :) طبق بنين هذه من غير تقلية كل شيء في الماء : تحط الماء واللحم والزيت يغلي وبعد زيد بصلة مقطعة جويدة ورأس ثوم وتابل وطماطم معجونة وفلفل مرحي وكركم وملح ورند وفلفل احمر شايح وتغلي لين يطيب اللحم ، السر متاع المقرونة في كمية الطماطم مايلزمهاش تكون شوية أو برشا ننصحكم في رطل مقرونة تحط 3 مغارف كبارمتاع ماكلة طماطم ومغرفة كبيرة فلفل مرحي كان موش حار بالطبع

تقلي القل والطماطم والبطاطا والعضم وتقطع سلاطة : فقوس وبصل وطماطم وقرن فلفل وتفوحها بالملح والفلفل الأكحل والزيت ، وبعد تزين الصحنات وترش شوية كروية ابتسام  

اول حاجة هي الجينواز والجينواز معروفة عضمة ومغرفة سكر ومغرفة فرينة وشوية فاني باش تفوح يعني انتي وكبر الطبق اللي عندك تعرف قداش تعمل عضم وتكون الطبقة جويدة شوية وكيف تطيب تنزل عليها بالقالب اللي عندك والقالب موجود في الصورة وفمة اللي اصغر وتحط في وسط القالب وتسقيها بشوية حليب باش تكون طرية واذا تحب بالغلة تحطها في الاجناب من الاول وتركض كرام شانتي وتقسم نصف ابيض والنصف الاخر تحط له شوية كاكاو وتحط طبقة شانتي وتحط مرو اخري الدائرة الجينواز وتسقي كالعادة بالحليب او اي عصير عندك وتحط شانتي اللي بالكاكاو حتي تكمل انا عملت 3 طبقات وتتزين من فوق باللي تحب لو تحب تذوب شكلاطة وتحطها من فوق وتزين بالشانتي المراحل موجودة بالصور يعني انت تفنن في الزينة مفيدة حمزة

خليط الكايك : تركّض150 غ زبدة مع 150 غ سكر و1 فانيليا وبعد زيدهم 4 بيضات بالبيضة بالبيضة و وتزيدهم للخليط، تغربل 200 غ فرينة و2 مغارف كاكاوو 50 غ نشا و1 خميرة تخلّط الكل وتزيدهم 60 مل حليب و قطرات روح اللوز وتصب الخليط في مول مدهون بالزبدة والفرينة وتدخلو للفرن السخون على 160° مدة 50 دق تقريبا ، وكيف تبرد  تذوب 120 غ شكلاطة في حماما مائي ومعاها مغرفة زبدة وصبها على الخليط ورش البوفريوة المقلية ابتسام